ದಿನಕ್ಕೊಂದು ಶಿಶುಗೀತೆ

 *ದಿನಕ್ಕೊಂದು ಶಿಶುಗೀತೆ* 

 *ಆಡಿಯೋ ಲಿಂಕ್* 

https://drive.google.com/file/d/1UrOfC5elaJ-EK226z99qg_LgaF7O2Z3U/view?usp=drivesdk

 *12.ನನ್ನ ಪಟ* 

ಮರದಡಿ ಬಿದ್ದ ಸೋಗೆಯ ತಂದು

ಕಡ್ಡಿಗಳೆರಡನು ಬಿಡಿಸಿದೆನು/

ಅಣ್ಣನು ತಂದ ಬಣ್ಣದ ಹಾಳೆಯ 

ಚೌಕಾಕಾರದಿ ಮಡಿಸಿದೆನು//

ಕಡ್ಡಿಗೆ ಬಣ್ಣದ ಹಾಳೆಯ ಅಂಟಿಸಿ

ಮಾಡಿದೆ ಸುಂದರ ಗಾಳಿಪಟ/

ಸೂತ್ರವ ಬಿಗಿದು ತೂರಲು ನಾನು

ಮೆಲ್ಲನೆ ಸೇರಿತು ಬಾನತಟ//

ಹಾರುವ ಹಕ್ಕಿಯ ಬೆದರಿಸಿತು

ಓಡುವ ಮೋಡವ ಚುಂಬಿಸಿತು/

ಏಳು ಬಣ್ಣದ ಕಾಮನ ಬಿಲ್ಲಿಗೆ

ರಂಗನು ತೋರಿಸಿ ಅಣಕಿಸಿತು//

ಸಂಜೆಯು ಆಗಲು ಸೂತ್ರವು ಅರಿಯಲು

ಹಾರಿತು ದೂರಕೆ ನನ್ನ ಪಟ/

ರಾತ್ರಿಗೆ ಚಂದಿರ ಲೋಕವ ಸೇರಿ

ಹಾರಲಿ ಸರಪರ ಗಾಳಿಪಟ//

ರಚನೆ ಮತ್ತು ಹಾಡಿದವರು

ಜಯಲಕ್ಷ್ಮೀ ಎನ್ ಎಸ್ ಕೋಳಗುಂದ

ಕವನ ಸಂಕಲನ: ಪುಟ್ಟಗೌರಿ

 _ಸಂಗ್ರಹ_

ರೇಣುಕಾರಾಧ್ಯ

GLPS M KOPPALU 

ARSIKERE