ದಿನಕ್ಕೊಂದು ಶಿಶುಗೀತೆ

 *ದಿನಕ್ಕೊಂದು ಶಿಶುಗೀತೆ* 

 *11.ಅಮ್ಮ* 

ಅಮ್ಮ ಅಮ್ಮ ಅಮ್ಮ

ನನ್ನ ತೋಳಿಗೆ ರೆಕ್ಕೆ ಹಚ್ಚು|

ಸೊಂಟಕ್ಕೆ ಬೆಳ್ಳಿ ಪಟ್ಟಿಕಟ್ಟಿ

ಹಕ್ಕಿ ಪುಚ್ಚ ಚುಚ್ಚು||

ಹಾರುತ್ತೇವೆ ರೆಕ್ಕೆ ಬಿಚ್ಚಿ

ತೆಂಗಿನ ಮರಕೂ ಮೇಲೆ|

ಜಗಲಿ ಮೇಲೆ ನಿಂತೇ ನಮಗೆ

ಅಮ್ಮ ಟಾಟಾ ಹೇಳೆ||

ಹಾಗೆ ಹಾಗೆ ಮೇಲೆ ಹೋಗಿ 

ಮುಟ್ಟುತ್ತೇವೆ ಮೋಡ|

ಕೇಳುತ್ತೇವೆ ಯಾರೂ ಕೇಳದ 

ಚುಕ್ಕಿ ಹಾಡೋ ಹಾಡ|| 

ತಿಂಗಳ ಊರಿನ ಅಂಗಳ ಸೇರಿ

ಬೆಳ್ಳಿಯ ಮೊಲವನು ನೋಡಿ|

ಹಿಡಿಯುತ್ತೇವೆ ಹಾರೋ ಬಣ್ಣದ

ಜಿಂಕೆಯ ಹೇಗೋ ಮಾಡಿ||

ಕೊಟ್ಟೆ ಕೊಡುವನು ಚಂದಮಾಮ

ಕೆನ್ನೆ ತುಂಬ ಮುತ್ತು|

ಮುದ್ದಿಸಿ ಬೆಟ್ಟದ ತುದಿಗೆ ಇಳಿಸುವ 

ಯಾರು ಇಲ್ಲದ ಹೊತ್ತು||

 ಡಾ|| ಎಚ್.ಎಸ್. ವೆಂಕಟೇಶಮೂರ್ತಿ

 _ಸಂಗ್ರಹ_

ರೇಣುಕಾರಾಧ್ಯ

GLPS M KOPPALU 

ARSIKERE 

 *ಆಡಿಯೋ ಲಿಂಕ್* 

https://drive.google.com/file/d/1TNBmAnb1EXbS42AkOG_vzdp2oCGQnSov/view?usp=drivesdk

 _ಹಾಡಿದವರು_

Shubha H S

Ghps ನಾಗೇನಹಳ್ಳಿ

ಅರಸೀಕೆರೆ