*ವಿದ್ಯಾಪ್ರವೇಶ ದಿನ-59*
✒️🚁🎮🎨🎲🧮📏🔍
*ಅವಧಿ -1* (40ನಿ)
*ಶುಭಾಶಯ ವಿನಿಮಯ*
(ಮಕ್ಕಳೊಂದಿಗೆ ಶಿಕ್ಷಕರ ಬೆಳಗಿನ ಕುಶಲೋಪರಿ)
೫೫ನೇ ದಿನದ ಚಟುವಟಿಕೆಗಳನ್ನು ಮಾಡಿಸುವುದು.
*ಮಾತು ಕತೆ*
( ಶಿಕ್ಷಕರು - ಮಕ್ಕಳೊಂದಿಗಿನ ಬೆಳಗಿನ ಸಾಮೂಹಿಕ ಚಟುವಟಿಕೆ)
ದಿನ ೫೧ ರ ಮಾತುಕತೆ ಚಟುವಟಿಕೆಯನ್ನು ಮುಂದುವರೆಸಿ. (ಪಾಸಿಂಗ್ ದ ಪಾರ್ಸಲ್ ಚಟುವಟಿಕೆಯನ್ನು
ಬಳಸಿಕೊಳ್ಳಬಹುದು.)
---–------------------------------
ಅವಧಿ-2 (40ನಿ)
*ನನ್ನ ಸಮಯ*
ಮಕ್ಕಳು ತಾವು ನಿರ್ವಹಿಸಲಿಚ್ಛಿಸಿದ ಕಲಿಕಾ ಮೂಲೆಗಳಿಗೆ ಸಾಗಿ ಚಟುವಟಿಕೆಗಳನ್ನು ನಿರ್ವಹಿಸುವುದು.
ಶಿಕ್ಷಕರು ಅನುಪಾಲನಾ ಸೂಚಿಯಂತೆ ಕಾರ್ಯ ನಿರ್ವಹಿಸುವುದು.
----------------------------–----–-
ಅವಧಿ-3(40ನಿ)ಪ್
*ಬುನಾದಿ ಸಂಖ್ಯಾ ಜ್ಞಾನ, ಪರಿಸರದ ಅರಿವು ಮತ್ತು ವೈಜ್ಞಾನಿಕ ಚಿಂತನೆ* (ಶಿಕ್ಷಕರಿಂದ ನಿರ್ದೇಶಿತ ಚಟುವಟಿಕೆ)
ಸಾಮರ್ಥ್ಯ: ಸಂಖ್ಯೆಗಳನ್ನು ತಿಳಿಯುವುದು
ಚಟುವಟಿಕೆ : ಸಂಖ್ಯಾ ನಕಲು (ಗುರಿ – ೩)
ಉದ್ದೇಶ:- ಅಂಕಿ ಸಂಖ್ಯೆಗಳ ಆಕಾರಗಳನ್ನು ತಿಳಿಯುವುದು
ಸಾಮಗ್ರಿಗಳು: ಬೀಜಗಳು, ಹಿಟ್ಟು, ಮರಳು ಪೆಟ್ಟಿಗೆ, ಮರಳು ತುಂಬಿದ ಪಾತ್ರೆ, ಕಡ್ಡಿಗಳು, ಸೀಮೆಸುಣ್ಣ,ಜೇಡಿಮಣ್ಣು.
ವಿಧಾನ: ಮೊದಲು ಸಂಖ್ಯೆಗಳನ್ನು ಹೇಳಿಸಿ ಪರಿಚಯ ಮಾಡಿಸುವುದು. ನೆಲದ ಮೇಲೆ ಅಂಕಿಗಳನ್ನು ಬರೆದು
ಅದರ ಮೇಲೆ ಬೀಜ ಕಲ್ಲು, ಹಿಟ್ಟನ್ನು ಹಾಕಿ ಅಂಕಿಗಳನ್ನು ಬರೆಯುವ ಸರಿಯಾದ ಕ್ರಮವನ್ನು ಹೇಳಿಕೊಡುವುದು.
ಮರಳು ಪೆಟ್ಟಿಗೆ / ಮರಳು ತುಂಬಿದ ಪಾತ್ರೆಯಲ್ಲಿ ಸೀಮೆಸುಣ್ಣ / ಕಡ್ಡಿಗಳಿಂದ ಕೈ ಬೆರಳಿನಿಂದ ೦-೯ ರವರೆಗೆ
ಅಂಕಿಗಳನ್ನು ಅವುಗಳ ಆಕಾರಗಳನ್ನು ಬರೆಯಲು ಪ್ರೋತ್ಸಾಹ ನೀಡುವುದು. ಆಟದ ಮೈದಾನದಲ್ಲಿ ಕೋಲು
ಮತ್ತು ಕಡ್ಡಿಗಳಿಂದ ಅಂಕಿಗಳನ್ನು ಬರೆದು ಬೀಜ, ಬೇಳೆ, ಕಲ್ಲುಗಳನ್ನು ಅದರ ಮೇಲೆ ಇಡಲು ಹೇಳುವುದು.
ಜೇಡಿಮಣ್ಣು ಅಥವಾ ಹಿಟ್ಟಿನಿಂದ ಅಂಕಿಗಳನ್ನು ರಚಿಸಲು ಮಕ್ಕಳಿಗೆ ಹೇಳುವುದು. ೦-೯ ರ ಸಂಖ್ಯೆ ರಚಿಸಿ
ಪ್ರದರ್ಶನ ಮಾಡಲು ಅವಕಾಶವನ್ನು ಕೊಡುವುದು.
೨ನೇ ತರಗತಿ : ರಬ್ಬರ್ ಅಂಕಿಗಳನ್ನು ಬಣ್ಣದಲ್ಲಿ ಅದ್ದಿ ಹಾಳೆಯ ಮೇಲೆ ಒತ್ತುವುದು. ಹೀಗೆ ಒತ್ತಿದ ಅಂಕಿಗಳನ್ನು
ಓದಿ ಶಾಲೆಯಲ್ಲಿ ಪ್ರದರ್ಶಿಸುವುದು.
೩ನೇ ತರಗತಿ : ಜೇಡಿ ಮಣ್ಣಿನಿಂದ ಅಂಕಿಗಳ ಮಾದರಿಗಳನ್ನು ಮಾಡಲು ಸಹಾಯ ಮಾಡುವುದು ಮತ್ತು
ಅವುಗಳನ್ನು ಪ್ರದರ್ಶಿಸುವುದು.
.----------------------–---------
ಅವಧಿ -4 (40ನಿ)
*ಸೃಜನಶೀಲ ಕಲೆ ಹಾಗೂ ಸೂಕ್ಷ್ಮ ಸ್ನಾಯು ಚಲನಾ ಕೌಶಲಗಳು* (ಮಕ್ಕಳಚಟುವಟಿಕೆ)
ಸಾಮರ್ಥ್ಯ : ಸೂಕ್ಷö್ಮ ಚಲನಾ ಕೌಶಲಗಳ ಅಭಿವೃದ್ಧಿ ಮತ್ತು ಸೃಜನಶೀಲತೆಯ ವಿಕಾಸ,
ಚಟುವಟಿಕೆ: ವಿವಿಧ ರೀತಿಯ ಅಚ್ಚುಗಳ ರಚನೆ. (ಗುರಿ - ೧)
ಉದ್ದೇಶಗಳು : • ಸೂಕ್ಷö್ಮ ಸ್ನಾಯುಗಳ ಅಭಿವೃದ್ದಿಯಾಗುವುದು.
• ಕಣ್ಣು ಕೈಗಳ ನಡುವೆ ಸಮನ್ವಯ ಸಾಧಿಸಲು ಸಾಧ್ಯವಾಗುವುದು.
• ಕಲ್ಪನಾ ಶಕ್ತಿಯ ಅಭಿವೃದ್ದಿಯಾಗುವುದು.
ಸಾಮಗ್ರಿಗಳು : ಕಾಗದ/ ದಿನ ಪತ್ರಿಕೆ,ವಿವಿಧ ವಸ್ತುಗಳು, ಅಚ್ಚು ಮಾಡಲು ಬಳಸುವ ವಿವಿಧ ವಸ್ತುಗಳು, ಒರಟು
ಬಟ್ಟೆ..ಇತ್ಯಾದಿ
ವಿಧಾನ : ಬಣ್ಣದಲ್ಲಿ ಅದ್ದಿ ಅಚ್ಚು ತೆಗೆಯಲು ಬೇರೆ ಬೇರೆ ವಸ್ತುಗಳನ್ನು ಸಂಗ್ರಹಿಸುವುದು. ಉದಾ. ಹಳೆಯ
ಬಾಚಣಿಗೆ, ಟ್ವಯಿನ್ ದಾರ ಅಥವಾ ರಬ್ಬರ್ ಬ್ಯಾಂಡಿನಿAದ ಸುತ್ತಿದ ಬ್ಲಾಕ್ಸ್, ಪ್ಲಾಸ್ಟಿಕ್ ಅಲ್ಲದ ಹಳೆಯ ಆಟಿಕೆಗಳು
ಇತ್ಯಾದಿ. ಹಾಳೆ ವೃತ್ತ ಪತ್ರಿಕೆಯನ್ನು ಪ್ರತಿ ಮಗುವಿಗೂ ನೀಡಿ ವಸ್ತುವನ್ನು ಬಣ್ಣದಲ್ಲಿ ಅದ್ದಿ ಪೇಪರ್ ಮೇಲೆ ಅಚ್ಚು
ತೆಗೆಯಲು ಹೇಳುವುದು.
ವಿವರ; ೨ ಮತ್ತು ೩ನೇ ತರಗತಿ ಮಕ್ಕಳಿಗೆ ಮೇಲಿನ ಚಟುವಟಿಕೆಯನ್ನೇ ಮಾಡಿಸುವುದು
-------------------------------
ಅವಧಿ -5(60ನಿ)
*ಭಾಷಾ ಅಭಿವೃದ್ಧಿ ಮತ್ತು ಬುನಾದಿ ಸಾಕ್ಷರತೆ*
*ಆಲಿಸುವುದು ಮತ್ತುಮಾತನಾಡುವುದು*
ಸಾಮರ್ಥ್ಯ : ಪದ ಸಂಪತ್ತಿನ ಅಭಿವೃದ್ಧಿ, ಊಹಿಸುವುದು, ತಂಡದ ಸದಸ್ಯರೊಂದಿಗೆ ಸಹಕಾರದಿಂದ ಕೆಲಸ.
ಸೂಚನೆಗಳ ಪಾಲನೆ.
ಚಟುವಟಿಕೆ : ವಸ್ತುವನ್ನು ಊಹಿಸು (ಗುರಿ-೨) ಇಅಐ-೭
ಉದ್ದೇಶಗಳು: * ಸೂಕ್ತ ಪದ ರಚಿಸುವುದು.
* ಸಾಂಘಿಕ ಮನೋಭಾವನೆ ಬೆಳೆಸುವುದು.
* ಸೂಚನೆಗಳನ್ನು ಎಚ್ಚರಿಕೆಯಿಂದ ಆಲಿಸಿ ಅನುಸರಿಸುವುದು.
* ಪದ ಸಂಪತ್ತನ್ನು ಅಭಿವೃದ್ಧಿ ಪಡಿಸುವುದು.
ಅಗತ್ಯ ಸಾಮಗ್ರಿಗಳು : ಬ್ಯಾಗ್, ಲಭ್ಯ ವಸ್ತುಗಳು
ವಿಧಾನ : ತರಗತಿಯಲ್ಲಿರುವ ಸೀಮೆ ಸುಣ್ಣ, ರಬ್ಬರ್, ಡಸ್ಟರ್, ಡೈಸ್ ಮೊದಲಾದ ವಸ್ತುಗಳನ್ನು ಒಂದು ಚೀಲದಲ್ಲಿ
ಹಾಕಿ.
- ಮಕ್ಕಳನ್ನು ಒಬ್ಬೊಬ್ಬರಾಗಿ ಕರೆದು ಬ್ಯಾಗ್ನಲ್ಲಿರುವ ವಸ್ತುಗಳಲ್ಲಿ ಯಾವುದಾದರೂ ಒಂದು ವಸ್ತುವನ್ನು
ಸ್ಪರ್ಶಿಸಿ, ಆ ವಸ್ತುಗಳನ್ನು ಊಹಿಸಲು ಹೇಳುವುದು. ಪ್ರಶ್ನೆಗಳನ್ನು ಕೇಳುವುದರ ಮೂಲಕ ಮಕ್ಕಳು ವಸ್ತುವನ್ನು
ಸರಿಯಾಗಿ ಗುರುತಿಸಲು ಸಹಾಯ ಮಾಡುವುದು.
ಉದಾಹರಣೆಗಾಗಿ:
• ನೀನು ಸ್ಪರ್ಶಿಸುತ್ತಿರುವ ವಸ್ತು ದೊಡ್ಡದೋ ಚಿಕ್ಕದೋ ?
• ನೀನು ಸ್ಪರ್ಶಿಸುತ್ತಿರುವ ವಸ್ತುವಿನ ಆಕಾರ ಹೇಗಿದೇ?
• ಯಾವುದರಿಂದ ಆ ವಸ್ತು ಮಾಡಲ್ಪಟ್ಟಿದೆ?
• ನೀನು ಸ್ಪರ್ಶಿಸುತ್ತಿರುವ ವಸ್ತು ಗಟ್ಟಿಯಾಗಿದೆಯೇ? ಮೃದುವಾಗಿದೆಯೇ?
• ನೀನು ಸ್ಪರ್ಶಿಸುತ್ತಿರುವ ವಸ್ತು ಏನಿರಬಹುದು?
- ಮಕ್ಕಳು ಗುರುತಿಸಿದ ವಸ್ತುಗಳ ಕುರಿತು ಅವರೊಂದಿಗೆ ಚರ್ಚಿಸುವುದು.
ತರಗತಿಯ ವಿವರ: ೨ನೇ ತರಗತಿಯ ಮಕ್ಕಳು ತಾವು ಗುರುತಿಸಿದ ವಸ್ತುವಿನ ಬಗ್ಗೆ ೩-೪ ವಾಕ್ಯಗಳಲ್ಲಿ
ಮಾತನಾಡುವುದು. ೩ನೇ ತರಗತಿಯ ಮಕ್ಕಳು ೨ ರಿಂದ ೩ ನಿಮಿಷ ಆ ವಸ್ತುವಿನ ಬಗ್ಗೆ ಮಾತನಾಡುವುದು.
*ಅರ್ಥಗ್ರಹಿಕೆಯೊಂದಿಗಿನ ಓದು*
ಸಾಮರ್ಥ್ಯ: ಮುದ್ರಿತ ಪಠ್ಯದ ಅರಿವು, ಪದ ಗುರುತಿಸುವಿಕೆ, ಅರ್ಥ ಗ್ರಹಿಕೆ, ಪದ ಸಂಪತ್ತಿನ ಬೆಳವಣಿಗೆ ಮತ್ತು
ಪರಿಸರದ ಅರಿವು.
ಚಟುವಟಿಕೆ : ಚಿತ್ರಸಂಪುಟ (ಗುರಿ-೨) ಮಕ್ಕಳ ಇಷ್ಟದ ಯಾವುದೇ ವಿಷಯ
ಅಗತ್ಯ ಸಾಮಗ್ರಿಗಳು : ಕಾಗದ, ಕ್ರೇಯಾನ್ಸ್, ಅಂಟು, ವಿವಿಧ ಚಿತ್ರಗಳು.
ವಿಧಾನ :
* ಮಕ್ಕಳಿಗೆ ಪರಿಚಿತವಿರುವ ಹಾಡು ಮತ್ತು ಶಿಶುಗೀತೆಗಳಿಗೆ ಸಂಬ0ಧಿಸಿದ ಚಿತ್ರಗಳನ್ನು ಗುರುತಿಸುವುದು.
* ಹಾಡು/ ಕಥೆಯಲ್ಲಿರುವ ವಿಶೇಷ ಪದಗಳನ್ನು ಗುರುತಿಸಿ ಹೆಸರಿಸುವುದು.
* ಹಾಡು/ ಕಥೆಯಲ್ಲಿ ಬರುವ ಮುಖ್ಯ ಪಾತ್ರಗಳನ್ನು ಗುರುತಿಸುವುದು ಮತ್ತು ಪುನರಾವರ್ತಿತ ಪದ/ ಸಾಲುಗಳನ್ನು
ಹೇಳುವುದು/ ಬರೆಯುವುದು.
* ಚಿತ್ರ ಸಂಪುಟವನ್ನು ವೈಯಕ್ತಿಕ ಮತ್ತು ಗುಂಪಿನಲ್ಲಿ ಮಕ್ಕಳಿಂದ ತಯಾರಿಸುವುದು.
ವೈಯಕ್ತಿಕ ಚಿತ್ರಸಂಪುಟ: ಕಥೆ ಅಥವಾ ಹಾಡುಗಳಲ್ಲಿ ಬರುವ ವಸ್ತುಗಳು ಅಥವಾ ವಿಶೇಷ ಪದಗಳನ್ನು ಪ್ರತಿ
ಮಗು ಚಿತ್ರಿಸಲು ಅನುವು ಮಾಡಿಕೊಡುವುದು.
ಉದಾ: ಮರ, ಬಸ್ಸು, ಪ್ರಾಣಿ ಇತ್ಯಾದಿ ಚಿತ್ರಗಳು.
ಗುಂಪು ಚಿತ್ರಸಂಪುಟ– ಮಕ್ಕಳನ್ನು ಗುಂಪುಗಳಾಗಿ ವಿಂಗಡಿಸಿ ವಿವಿಧ ವಿಷಯಗಳ ಕುರಿತು ಚರ್ಚಿಸಲು ಅವಕಾಶ
ಕಲ್ಪಿಸುವುದು.
ಉದಾ-ಉದ್ಯಾನವನದಲ್ಲಿ ನೋಡಿರುವ ವಸ್ತುಗಳ್ರು, ರಾತ್ರಿಯ ವೇಳೆ ನೋಡಬಹುದಾದ ವಸ್ತುಗಳು, ನೀರಿನಲ್ಲಿ
ಕಾಣಬಹುದಾದ ವಸ್ತುಗಳು, ಭೂಮಿಯೊಳಗೆ ಹುಡುಕಬಹುದಾದ ವಸ್ತುಗಳು. ಇತ್ಯಾದಿ. ಚಿತ್ರಗಳು
* ತಮಗಿಷ್ಟವಾದ ವಿಷಯದ ಕುರಿತು ತಮ್ಮದೇ ಕಲ್ಪನೆಯಲ್ಲಿ ಚಿತ್ರ ಬಿಡಿಸಲು ತಿಳಿಸುವುದು.
* ಮಕ್ಕಳು ಬರೆದ ಚಿತ್ರಗಳನ್ನು ಹೆಸರಿಸಲು ತಿಳಿಸುವುದು.
* ನಂತರ ಎಲ್ಲಾ ಚಿತ್ರಗಳನ್ನು ಸೇರಿಸಿ ಚಿತ್ರ ಸಂಪುಟವನ್ನು ಸಿದ್ಧಪಡಿಸಲು ಅವಕಾಶ ಮಾಡಿಕೊಡುವುದು.
* ಮಕ್ಕಳು ತಯಾರಿಸಿದ ಚಿತ್ರಸಂಪುಟವನ್ನು ತರಗತಿಯಲ್ಲಿ ಪ್ರದರ್ಶಿಸುವುದು.
ನೀನೇ ಮಾಡಿನೋಡು: ಮಕ್ಕಳ ಸ್ನೇಹಿ ಕತ್ತರಿಯನ್ನು ನೀಡಿ, ಸೂಕ್ತ ಚಿತ್ರಗಳನ್ನು ಕತ್ತರಿಸಿ ಅವರ ಸ್ವಂತ ಚಿತ್ರಕೋಶವನ್ನು
ರಚಿಸಲು ಪ್ರೇರೇಪಿಸುವುದು.
*ಉದ್ದೇಶಿತ ಬರಹ*
ಸಾಮರ್ಥ್ಯ : ಮಕ್ಕಳೊಂದಿಗೆ ಬರವಣಿಗೆ, ಉದ್ದೇಶಿತ ಬರವಣಿಗೆ, ಅವಧಾನ ಮತ್ತು ಆಲಿಸುವುದು, ಸೃಜನಶೀಲ
ಚಿಂತನೆ, ಪದಸಂಪತ್ತಿನ ಅಭಿವೃದ್ಧಿ.
ಚಟುವಟಿಕೆ : ಹಂಚಿತ ಬರೆಹ (ಗುರಿ : ೨)
ಉದ್ದೇಶಗಳು:
• ಹಂಚಿತ ಬರವಣಿಗೆಯನ್ನು ಪರಿಚಯಿಸುವುದು.
• ಉದ್ದೇಶಕ್ಕನುಸಾರವಾಗಿ ಬರೆಯುವ ಕ್ರಮವನ್ನು ಅಭ್ಯಾಸ ಮಾಡಿಸುವುದು.
• ಅವಧಾನದೊಂದಿಗೆ ಉದ್ದೇಶಿತ ಬರೆಹದಲ್ಲಿ ತೊಡಗಿಸುವುದು.
• ಸೃಜನಾತ್ಮಕವಾಗಿ ಚಿಂತಿಸಿ ಅವುಗಳನ್ನು ಬರವಣಿಗೆಯಲ್ಲಿ ವ್ಯಕ್ತಪಡಿಸುವುದು.
• ಪದ ಸಂಪತ್ತನ್ನು ಅಭಿವೃದ್ಧಿಪಡಿಸುವುದು.
ಅಗತ್ಯ ಸಾಮಗ್ರಿಗಳು: ಕಪ್ಪುಹಲಗೆ ಡ್ರಾಯಿಂಗ್ ಶೀಟ್
ವಿಧಾನ: ಹಂಚಿತ ಬರೆಹ ಚಟುವಟಿಕೆಗಳನ್ನು ತಿಂಗಳಿಗೆ ಎರಡು ಅಥವಾ ಮೂರು ಬಾರಿ ಆಯೋಜಿಸುವುದು.
ಒಂದು ವಿಷಯವನ್ನು ನೀಡಿ ಆ ವಿಷಯಕ್ಕೆ ಸಂಬ0ಧಿಸಿದ0ತೆ ತಮ್ಮ ಅನುಭವಗಳನ್ನು ಕಥೆಯ ಮೂಲಕ ಅಥವಾ
ಬರವಣಿಗೆ ಮೂಲಕ ಹಂಚಿಕೊಳ್ಳಲು ತಿಳಿಸುವುದು.
ಸಲಹಾತ್ಮಕ ಸೂಚಿತ ವಿಷಯ:- ನಾವು ಆಡುವ ಆಟಗಳು
ಗಮನಿಸಬೇಕಾದ ಅಂಶಗಳು:
• ಪ್ರತಿ ವಿಷಯಕ್ಕೆ ಸಂಬ0ಧಿಸಿದ0ತೆ ವಾಕ್ಯಗಳನ್ನು ರಚಿಸಲು ಅಗತ್ಯ ಸುಳಿವುಗಳನ್ನು ನೀಡುವುದು. ಮಕ್ಕಳೊಂದಿಗೆ
ಬರವಣಿಗೆಯಲ್ಲಿ ತೊಡಗಿಕೊಳ್ಳುವ ಮೂಲಕ ಬರವಣಿಗೆಯ ಪ್ರಾತ್ಯಕ್ಷಿಕೆ ನೀಡುವುದು.
• ಶಿಕ್ಷಕರು ಮೊದಲನೇ ವಾಕ್ಯವನ್ನು ಬರೆದು ಓದುವುದು. ನಂತರ ಮಕ್ಕಳು ತಮ್ಮ ಸ್ವಂತ ವಾಕ್ಯವನ್ನು ಹೇಳಿ
ಬರೆಯಲು ತಿಳಿಸುವುದು.
• ಮಕ್ಕಳು ತಮ್ಮ ಮಾತೃಭಾಷೆಯಲ್ಲಿ ಪ್ರತಿಕ್ರಿಯಿಸಲು ಅವಕಾಶ ಕಲ್ಪಿಸಬಹುದು. ಅಂತಹ ಸನ್ನಿವೇಶದಲ್ಲಿ ಶಿಕ್ಷಕರು
ಅದನ್ನು ಶಾಲಾ ಭಾಷೆಯಲ್ಲಿ ಅನುವಾದಿಸಿ ಹೇಳುವುದು.
ತರಗತಿವಾರು ವಿವರ: ೧ನೇ ತರಗತಿಯವರು ವಿವರಿಸಿದ ಅಂಶಗಳನ್ನು ೨ನೇ ಹಾಗೂ ೩ನೇ ತರಗತಿಯ ಮಕ್ಕಳು
ಬರವಣಿಗೆ ಮೂಲಕ ಅಭಿವ್ಯಕ್ತಿಪಡಿಸಲು ತಿಳಿಸುವುದು.
ಬರವಣಿಗೆಯ ಮಾದರಿ:
ಶಿಕ್ಷಕರು ಮಕ್ಕಳೆದುರು ಕಪ್ಪುಹಲಗೆಯಲ್ಲಿ ಬರೆಯುವುದು. ಬರವಣಿಗೆಯ ಸರಿಯಾದ ಕ್ರಮವನ್ನು ಮಕ್ಕಳು
ನೋಡಲು ಅವಕಾಶ ಕಲ್ಪಿಸುವುದು.
ಮಕ್ಕಳ ಹೆಸರು, ಮಕ್ಕಳು ಬರೆದ ಚಿತ್ರಗಳ ಹೆಸರು ವೆÆದಲಾದವುಗಳನ್ನು ಮಕ್ಕಳೆದುರೇ ಬರೆಯುವುದು. ಶಿಕ್ಷಕರು
ತರಗತಿಯಲ್ಲಿ ಏನನ್ನೇ ಬರೆಯುವುದಾದರೂ ಮಕ್ಕಳ ಎದುರಿನಲ್ಲಿಯೇ ಬರೆಯುವುದು.
--------------------------------
ಅವಧಿ - 6(40ನಿ)
*ಹೊರಾಂಗಣ ಆಟಗಳು*
ಚಟುವಟಿಕೆ: ಸ್ಕಿಪ್ಪಿಂಗ್ (ವೈಯಕ್ತಿಕ)
ಸಾಮರ್ಥ್ಯ: ಚುರುಕುತನ, ಕ್ಷಿಪ್ರ ಚಲನೆಯ ಅಭಿವೃದ್ಧಿ ಸಾಮಗ್ರಿ: ಸ್ಕಿಪ್ಪಿಂಗ್ ರೋಪ್
ವಿಧಾನ : ವೈಯಕ್ತಿಕ ಹಗ್ಗದ ಆಟವನ್ನು ಮುಂದುವರಿಸುವುದು.
ಎರಡನೇ ಮತ್ತು ಮೂರನೇ ತರಗತಿಯ ಮಕ್ಕಳಿಗೆ ಇದೇ ಚಟುವಟಿಕೆ ಮುಂದುವರೆಸುವುದು.
--------------------------------
ಅವಧಿ - 7(40ನಿ)
*ಕಥಾ ಸಮಯ*
ಶೀರ್ಷಿಕೆ : ಕೊಕ್ಕರೆ ಮತ್ತು ಏಡಿ
ಸಾಮಗ್ರಿಗಳು : ಬೆರಳುಗೊಂಬೆಗಳು
ಉದ್ದೇಶಗಳು: ಕುತೂಹಲ ಮತ್ತು ಆಸಕ್ತಿಯನ್ನು ಉಂಟುಮಾಡುವುದು.
ಪದ ಸಂಪತ್ತನ್ನು ಹೆಚ್ಚಿಸುವುದು.
ಗ್ರಾಂಥಿಕ ಶಬ್ದಗಳನ್ನು ಪರಿಚಯಿಸುವುದು.
ಮೌಲ್ಯಗಳನ್ನು ರೂಢಿಸುವುದು.
ಅಭಿವ್ಯಕ್ತಿ ಸಾಮರ್ಥ್ಯ ಹೆಚ್ಚಿಸುವುದು.
ವಿಧಾನ : ಪಾತ್ರಾಭಿನಯ
ಕಥೆಯನ್ನು ಪುನರಾವಲೋಕನ ಮಾಡಿಕೊಳ್ಳುವುದು.
ಕಥೆಯ ನಿರೂಪಣೆಯನ್ನು ಮಾಡಲುಎರಡು ಮತ್ತು ಮೂರನೇ ತರಗತಿಯ ಮಕ್ಕಳಿಗೆ ಸಹಕರಿಸುವುದು.
ಕೈ ಬೆರಳುಗಳಿಗೆ ಕಥೆಯ ಪಾತ್ರಗಳ ಚಿತ್ರಗಳನ್ನು ಜೋಡಿಸಿ, ಪಾತ್ರಗಳಿಗೆ ತಕ್ಕಂತೆ ಇರುವ ಸಂಭಾಷಣೆಯನ್ನು
ಹೇಳಲು ಮಕ್ಕಳನ್ನು ಪ್ರೇರೇಪಿಸುವದು.
-----------------------------------
ಅವಧಿ -8(20ನಿ)
*ಮತ್ತೆ ಸಿಗೋಣ*
• ಈ ದಿನ ನಿರ್ವಹಿಸಿದ ಚಟುವಟಿಕೆಗಳನ್ನು ಪುನರಾವರ್ತಿಸಿ/ನೆನಪಿಸಿ
• ಈ ದಿನ ಮಕ್ಕಳು ನಿರ್ವಹಿಸಿದ ಎಲ್ಲಾ ಚಟುವಟಿಕೆಗಳನ್ನು ಪೋಷಕರೊಂದಿಗೆ ಮತ್ತು ಕುಟುಂಬದ
ಸದಸ್ಯರೊಂದಿಗೆ ಹಂಚಿಕೊಳ್ಳಲು ಪ್ರೋತ್ಸಾಹಿಸಿ.
• ಮರುದಿನ ಮಕ್ಕಳು ಸಂತೋಷದಿ0ದ ಹಿಂದಿರುಗಲು ಒಂದು ಚಿಕ್ಕ ಸಂತಸದಾಯಕ ಸನ್ನಿವೇಶವನ್ನು ಏರ್ಪಡಿಸಿ,
ಬೀಳ್ಕೊಡಿ.
• ಮುಂದಿನ ವಾರದಲ್ಲಿ “ಹೊರಸಂಚಾರಕ್ಕೆ ಯೋಜನೆ” ರೂಪಿಸಿ ಮಕ್ಕಳು ವಿವಿಧ ಸಸ್ಯಗಳನ್ನು, ಮರಗಳನ್ನು
ವೀಕ್ಷಿಸಲಿ ಇದಕ್ಕಾಗಿ ಅಗತ್ಯ ಸಿದ್ಧತೆ ತಯಾರಿ ಮಾಡಿಕೊಳ್ಳುವುದು
http://diethassan.karnataka.gov.in
【ವಿದ್ಯಾ ಪ್ರವೇಶ ಮತ್ತು ಕಲಿಕಾ ಹಾಳೆಗಳ ಮಾಹಿತಿಯ ಅಪ್ ಡೇಟ್ ವೀಕ್ಷಿಸಲು ಮೇಲೆ ಕ್ಲಿಕ್ ಮಾಡಿ ಅದರಲ್ಲಿ ಶಾಲಾ ವಿಭಾಗಕ್ಕೆ ಹೋಗಿ ಅದರಲ್ಲಿ ಕಲಿಕಾ ಚೇತರಿಕೆಯ ಅಪ್ಡೇಟ್ ವೀಕ್ಷಿಸಬಹುದು】
[ಕೃಪೆ : ವಿದ್ಯಾಪ್ರವೇಶ ಶಿಕ್ಷಕರ ಕೈಪಿಡಿ ಸಾಹಿತ್ಯ]
ಮೂಲ ಸಾಹಿತ್ಯಯನ್ನು ಸಾರ್ವಜನಿಕ ಶಿಕ್ಷಣ ಇಲಾಖೆ ವೆಬ್ಸೈಟ್ ಅಲ್ಲಿ ಪಡೆಯಬಹುದು ಲಿಂಕ್
------------------------------
*ವಂದನೆಗಳೊಂದಿಗೆ* ,
ರೇಣುಕಾರಾಧ್ಯ ಪಿ ಪಿ
ಶಿಕ್ಷಕ (ನಲಿಕಲಿ ರಾ.ಸಂ.ವ್ಯ.)
ಸ.ಕಿ.ಪ್ರಾ.ಶಾಲೆ ಮುದ್ದಲಿಂಗನ ಕೊಪ್ಪಲು
ಅರಸೀಕೆರೆ, ಹಾಸನ
*ಸಲಹೆ ಮತ್ತು ಮಾರ್ಗದರ್ಶನ*
ಶ್ರೀಯುತ ಎಂ.ಎಸ್.ಫಣೀಶ
ಹಿರಿಯ ಉಪನ್ಯಾಸಕರು ಡಯಟ್ ಹಾಸನ
ಶ್ರೀಯುತ ಆರ್.ಡಿ.ರವೀಂದ್ರ
ನಲಿಕಲಿ ರಾಜ್ಯ ಸಂಪನ್ಮೂಲ ವ್ಯಕ್ತಿಗಳು ಕೊಪ್ಪ
No comments:
Post a Comment