*ದಿನಕ್ಕೊಂದು ಲೋಗೋ**
(ಮೂಲ : ಬೆಳ್ಳಿಮೋಡ ನಲಿಕಲಿ ಸಮಗ್ರ ಸಾಹಿತ್ಯ)
ದಿನಾಂಕ : 18.10.2020
*3.ಲೋಗೋ :ಇಲಿಗಳ ಮಧ್ಯೆ ಗಂಟೆ*
**ಚಟುವಟಿಕೆ ಹೆಸರು : ಸರಳ ಸಂಭಾಷಣೆ*
ನಲಿಕಲಿಯ ಭಾಷೆಯಲ್ಲಿ ಬರುವ ಒಂದು ವಿಶಿಷ್ಟ ಲೋಗೋ ಇದಾಗಿದೆ. ಇದು ಕಲಿಕಾ ಗೋಪುರದಲ್ಲಿ ಪೂರ್ವಸಿದ್ಧತಾ ಹಂತದ ಚಟುವಟಿಕೆಗಳಲ್ಲಿ ಬರುವ ಲೋಗೋ ಆಗಿದೆ ಮತ್ತು ಸಾಮೂಹಿಕ ತಟ್ಟೆಯಲ್ಲಿ ಈ ಚಟುವಟಿಕೆಯು ನಡೆಯುತ್ತದೆ .
1ನೇ ತರಗತಿಯಲ್ಲಿ 01 ಕಾರ್ಡುಗಳು
2ನೇ ತರಗತಿಯಲ್ಲಿ 02 ಕಾರ್ಡುಗಳು
3ನೇ ತರಗತಿಯಲ್ಲಿ 00 ಕಾರ್ಡುಗಳು ಇರುತ್ತವೆ
_ಚಟುವಟಿಕೆ ವಿಶ್ಲೇಷಣೆ:_
◆ ಈ ಚಟುವಟಿಕೆ “ನೋಡಿ ಕಲಿ, ಕೇಳಿ ಕಲಿ, ಮಾಡುತ್ತಾ ಕಲಿ' ತತ್ವಗಳನ್ನಾಧರಿಸಿದೆ.
◆ ಇದು ಕಲಿಕಾರ್ಥಿಗಳ ಆಲಿಸುವ, ಅರ್ಥೈಸಿಕೊಳ್ಳುವ, ಗ್ರಹಿಸುವ ಪ್ರತಿಕ್ರಿಯಿಸುವ ಕೌಶಲಗಳನ್ನು ಬೆಳೆಸುವುದು.
◆ ಸರಳ ಸಂಭಾಷಣೆಗಳು ಕಲಿಕಾರ್ಥಿಗಳ ಮಾನಸಿಕ ಮಟ್ಟ ಆಧರಿಸಿ ರಚಿತವಾಗಿವೆ,
◆ ಇದರಲ್ಲಿ ಅನುಸರಿಸಿರುವ ನಾಟಕ ಶೈಲಿ ಕಲಿಕಾರ್ಥಿಗಳು ವಯಸ್ಸಿಗೆ ತಕ್ಕಂತೆ ಇದೆ.
_ಚಟುವಟಿಕೆ ಉದ್ದೇಶಗಳು_ :
• ಕಲಿಕೆಯೊಂದಿಗೆ ಉತ್ತಮ ಮನೋರಂಜನೆಯನ್ನು ಒದಗಿಸುತ್ತದೆ[ ಸಂತಸದಾಯಕ ಕಲಿಕೆ]
• ಆಲಿಸುವ, ಮಾತನಾಡುವ, ಸಂವಹನ ಕೌಶಲಗಳನ್ನು ಅಭಿವೃದ್ಧಿಪಡಿಸುವುದು.
• ಸಂದರ್ಭೋಚಿತ ಅಭಿನಯ ಮತ್ತು ಸಂಭಾಷಣೆ ಕೌಶಲ ಬೆಳೆಸುವುದು.
_
ಚಟುವಟಿಕೆಯನ್ನು ಹೀಗೆ ಮಾಡೋಣ_
★ಅಗತ್ಯ ಪರಿಕರಗಳಾದ ಪೊಪೆಟ್, ಪರದೆ, ಬೆಳಕಿನ ವ್ಯವಸ್ಥೆ ಮಾಡಿಕೊಳ್ಳುವುದು,
★ಅಗತ್ಯ ವಿದ್ದಲ್ಲಿ ಹಿರಿಯ ತರಗತಿಯ ಕಲಿಕಾರ್ಥಿಗಳ ನೆರವನ್ನು ಪಡೆಯುವುದು,
★ ಸಂಭಾಷಣೆಯನ್ನು ಕಲಿಕಾರ್ಥಿಗಳಿಗೆ ಅರ್ಥವಾಗುವಂತೆ ನಿಧಾನವಾಗಿ ಹೇಳುವುದನ್ನು ಅಭ್ಯಾಸ ಮಾಡಿಬವುದು.
★ಈ ಚಟುವಟಿಕೆಯಲ್ಲಿರುವ ಕಲಿಕಾರ್ಥಿಗಳನ್ನು ತೊಡಗಿಸಿಕೊಳ್ಳುವುದು.
★ ಕಡ್ಡಿಯಂಟಿಸಿರುವ ಪೊಪೆಟ್ ಹಾಗೂ ಪರದೆಯನ್ನು ಬಳಸಿ ಕಲಿಕಾರ್ಥಿಗಳಿಗೆ ಸೃಜನಶೀಲತೆಯನ್ನು ಬೆಳೆಸುವುದು.
_ನಿರೀಕ್ಷಿತ ಕಲಿಕೆಯ ಫಲ:_
● ಸಂಭಾಷಣೆಯಲ್ಲಿ ತೊಡಗುವರು.
● ಇತರರ ಭಾಷೆ-ಭಾವನೆಯನ್ನು ಗ್ರಹಿಸಿ ಪ್ರತಿಕ್ರಿಯಿಸುವರು.
● ನಿರೂಪಣೆ ಸಾಮರ್ಥ್ಯ, ಭಾವಾಭಿವ್ಯಕ್ತಿ ಯನ್ನು ಬೆಳೆಸಿಕೊಳ್ಳುವರು.
● ಆಲಿಸಿ ಅರ್ಥೈಸಿಕೊಂಡು ಸರಳ ಪ್ರಶ್ನೆಗಳಿಗೆ ಉತ್ತರಿಸಿದರು.
● ಸಂತಸದಾಯಕ ಕಲಿಕೆ.
ಮಾದರಿ ಪೊಪೆಟ್ CLICK
ರೇಣುಕಾರಾಧ್ಯ
ಸ.ಕಿ.ಪ್ರಾ.ಶಾಲೆ ಸಂಕ್ಲಾಪುರ
ತೀರ್ಥಹಳ್ಳಿ
*ನಲಿಕಲಿ app*
No comments:
Post a Comment