ದಿನಕ್ಕೊಂದು ಲೋಗೋ 4

 *ದಿನಕ್ಕೊಂದು ಲೋಗೋ**

 (ಮೂಲ : ಬೆಳ್ಳಿಮೋಡ ನಲಿಕಲಿ ಸಮಗ್ರ ಸಾಹಿತ್ಯ)

ದಿನಾಂಕ : 19.10.2020

 *4.ಲೋಗೋ :ಡಬ್ಬದ ಮೇಲೆ ಮಂಗ* 

🐒

 📦

 **ಚಟುವಟಿಕೆ ಹೆಸರು : ಆಟ* 

ನಲಿಕಲಿಯ ಭಾಷೆಯಲ್ಲಿ ಬರುವ ಒಂದು ವಿಶಿಷ್ಟ ಲೋಗೋ ಇದಾಗಿದೆ. ಇದು ಕಲಿಕಾ ಗೋಪುರದಲ್ಲಿ  ಪೂರ್ವಸಿದ್ಧತಾ ಹಂತದ ಚಟುವಟಿಕೆಗಳಲ್ಲಿ  ಬರುವ ಲೋಗೋ ಆಗಿದೆ ಮತ್ತು ಸಾಮೂಹಿಕ ತಟ್ಟೆಯಲ್ಲಿ ಈ ಚಟುವಟಿಕೆಯು ನಡೆಯುತ್ತದೆ .

1ನೇ ತರಗತಿಯಲ್ಲಿ 05 ಕಾರ್ಡುಗಳು

 2ನೇ ತರಗತಿಯಲ್ಲಿ 03 ಕಾರ್ಡುಗಳು

 3ನೇ ತರಗತಿಯಲ್ಲಿ 01 ಕಾರ್ಡುಗಳು  ಇರುತ್ತವೆ

 _ಚಟುವಟಿಕೆ ವಿಶ್ಲೇಷಣೆ:_

● ಕಲಿಕಾರ್ಥಿಗಳ ಮನಸ್ಸು ಸದಾ ಹೊಸದರತ್ತೆ ಪುಟಿಯುತ್ತಿರುತ್ತದೆ.

● ಆಟ ಎಂದರೆ ಕಲಿಕಾರ್ಥಿಗಳಿಗೆ ವಿಶೇಷವಾದ ಆಸಕ್ತಿ ಇದೆ.

● ಆಟ ಕಲಿಕಾರ್ಥಿಗಳಿಗೆ ಎಂದೂ ಆಲಸ್ಯ ಮಾಡುವುದಿಲ್ಲ.

●ಸೋಮಾರಿತನದ ವರನ್ನು ಎದ್ದು ಕುಣಿಯುವಂತೆ ಮಾಡುವ ಶಕ್ತಿ ಈ ಚಟುವಟಿಕೆಗಿದೆ.

 _ಚಟುವಟಿಕೆ ಉದ್ದೇಶಗಳು:_ 

● ಕಲಿಕಾರ್ಥಿಗಳಲ್ಲಿ ಭಾಗವಹಿಸುವಿಕೆಯನ್ನು ಉಂಟುಮಾಡುವುದು.

● ಕಲಿಕಾ ಸನ್ನಿವೇಶವನ್ನು ಕಲಿಕಾರ್ಥಿಗೆ ಇಷ್ಟವಾಗಿಸುವುದು.

● ಆಡಿ ಕಲಿ ತತ್ವದ ಮೂಲಕ ಕಲಿಕಾರ್ಥಿಗಳ ಮನಸ್ಸನ್ನು ಆಕರ್ಷಿಸುವುದು.

 _ಚಟುವಟಿಕೆಯನ್ನು ಹೀಗೆ ಮಾಡೋಣ_ 

★ಈ ಚಟುವಟಿಕೆಗಳು ಭಿನ್ನ ಸ್ವರೂಪದ್ದಾಗಿದೆ (ಮುದ್ರಿತ ಕಾರ್ಡುಗಳಲ್ಲಿ ಸ್ಪಷ್ಟ ಸೂಚನೆ ನೀಡಿದೆ).

★ ಕಲಿಕಾರ್ಥಿಗಳೆಲ್ಲರೂ (ಮುಖ್ಯವಾಗಿ ಈ ಚಟುವಟಿಕೆ ಮಾಡಬೇಕಾದವರು) ಸಕ್ರಿಯವಾಗಿ ಭಾಗವಹಿಸುವಂತೆ

ನೋಡಿಕೊಳ್ಳುವುದು.

★ ಮುಕ್ತ ವಾತಾವರಣದಲ್ಲಿ ಆಟ ಆಡಿಸುವುದು.

★ ಕಲಿಕಾರ್ಥಿಗಳ ಅಭಿಪ್ರಾಯಗಳನ್ನು ಕೇಳುವುದು,

★ ಆಟದ ವೈವಿಧ್ಯತೆ, ವಿಶೇಷತೆಗಳನ್ನು ಕಾಯ್ದುಕೊಳ್ಳುವುದು.

★ಆಟದಿಂದ ಪಾಠದೆಡೆಗೆ' ಎಂಬುದನ್ನು ಚಟುವಟಿಕೆಯ ಮೂಲಕ ಮಾಡಿ ತೋರಿಸುವುದು.

 _ನಿರೀಕ್ಷಿತ ಕಲಿಕೆಯ ಫಲ:_ 

◆ ಮೌಖಿಕ ಸೂಚನೆಗಳನ್ನು ಅರ್ಥಮಾಡಿಕೊಳ್ಳುವರು. 

◆ ಸರದಿಯ ನಿಯಮಗಳನ್ನು ಪಾಲಿಸುವರು.

◆ ಇತರರ ಅಭಿಪ್ರಾಯಗಳನ್ನು ಗೌರವಿಸುವರು.

◆ ಸೂಚನೆಗಳನ್ನು ಅರ್ಥಮಾಡಿಕೊಂಡು ಕಾರ್ಯರೂಪಕ್ಕೆ ತರುವರು.

 *ಮಾದರಿ* 

2ನೇ ತರಗತಿ 40ನೇ ಮೆಟ್ಟಿಲು *ವ್ಯಂಜನಾಕ್ಷರ ಆಟ* 

Click ಚಟುವಟಿಕೆ ಮಾದರಿ ವಿಡಿಯೋ

 *ನಲಿಕಲಿ app

ರೇಣುಕಾರಾಧ್ಯ 

ಸ.ಕಿ.ಪ್ರಾ.ಶಾಲೆ ಸಂಕ್ಲಾಪುರ

ತೀರ್ಥಹಳ್ಳಿ