ದಿನಕ್ಕೊಂದು ಶಿಶುಗೀತೆ

 ದಿನಕ್ಕೊಂದು ಶಿಶುಗೀತೆ

36. ಸ್ತ್ರೀ (ಭಾವಗೀತೆ)

ಆಕಾಶದ ನೀಲಿಯಲ್ಲಿ 

ಚಂದ್ರ ತಾರೆ ತೊಟ್ಟಿಲಲ್ಲಿ 

ಬೆಳಕನಿಟ್ಟು ತೂಗಿದಾಕೆ 

ನಿನಗೆ ಬೇರೆ ಹೆಸರು ಬೇಕೆ 

ಸ್ತ್ರೀ ಅಂದರೆ ಅಷ್ಟೆ ಸಾಕೆ

ಹಸಿರ ಉಟ್ಟ ಬೆಟ್ಟಗಳಲಿ 

ಮೊಲೆ ಹಾಲಿನ ಹೊಳೆಯ ಇಳಿಸಿ 

ಬಯಲ ಹಸಿರ ನಗಿಸಿದಾಕೆ 

ನಿನಗೆ ಬೇರೆ ಹೆಸರು ಬೇಕೆ 

ಸ್ತ್ರೀ ಅಂದರೆ ಅಷ್ಟೆ ಸಾಕೆ

ಮರಗಿಡ ಹೂ ಮುಂಗುರುಳನು 

ತಂಗಾಳಿಯ ಬೆರಳೂ ಸವರಿ 

ಹಕ್ಕಿ ಗಿಲಕಿ ಹಿಡಿಸಿದಾಕೆ 

ನಿನಗೆ ಬೇರೆ ಹೆಸರು ಬೇಕೆ 

ಸ್ತ್ರೀ ಅಂದರೆ ಅಷ್ಟೆ ಸಾಕೆ

ಮನೆಮನೆಯಲಿ ದೀಪ ಮುಡಿಸಿ 

ಹೊತ್ತು ಹೊತ್ತಿಗೆ ಅನ್ನ ಉಣಿಸಿ 

ತಂದೆ ಮಗುವ ತಬ್ಬಿದಾಕೆ 

ನಿನಗೆ ಬೇರೆ ಹೆಸರು ಬೇಕೆ 

ಸ್ತ್ರೀ ಅಂದರೆ ಅಷ್ಟೆ ಸಾಕೆ

ರಚನೆ - ಜಿ ಎಸ್ ಶಿವರುದ್ರಪ್ಪ 

ಗಾಯನ - ಸಿ ಅಶ್ವಥ್ 

ವಿಡಿಯೋ ಲಿಂಕ್

ಸಂಗ್ರಹ ರೇಣುಕಾರಾಧ್ಯ

GLPS M KOPPALU ARSIKERE