ದಿನಕ್ಕೊಂದು ಶಿಶುಗೀತೆ

 *ದಿನಕ್ಕೊಂದು ಶಿಶುಗೀತೆ* 

*18.ಪುಟ್ಟ ರೈತ!*

ನಾನು ಪುಟ್ಟ ಬಹಳ ದಿಟ್ಟ

ಕಾಯಿ ಹೊತ್ತು ತರುವೆ/

ಒಂದೊಂದೇ ತಂದು ಹಾಕಿ

ರಾಶಿ ಮಾಡಿ ಬಿಡುವೆ!//

ತುಂಟನಲ್ಲ ನೋಡಿ ನಾನು

ಕೆಲಸದಲ್ಲಿ 'ಇರುವೆ'!/

ಇರುವೆಗೂಡು ತುಳಿಯದಂತೆ

ದಾಟಿ ನಾನು ಬರುವೆ//

ಅಪ್ಪ ಹೋಗು ಅಟ್ಟ ಹತ್ತು

ಕಾಯಿ ನಾನೆ ಕೊಡುವೆ/

ಒಂದು ಎರಡು ಮೂರು ನಾಲ್ಕು

ಎಣಿಸಿ ಲೆಕ್ಕವಿಡುವೆ//

ಅಮ್ಮ ಹೋಗಿ ನೀರು ತಾರೆ

ದಾಹವಾಯ್ತು ನನಗೆ/

ಬೆವರ ಸುರಿಸಿ ದುಡಿವ ಪುಟ್ಟ

ರೈತ ನಾನೇ ಮನೆಗೆ//

ಅಜ್ಜಿ ತಾತ ನಿಮಗೆ ನಾನು

ಎಳನೀರನ್ನು ತರಲೆ?/

ನಗಲೇ ಬೇಡಿ ನನ್ನ ನೋಡಿ

ನಾನೇನಲ್ಲ 'ತರಲೆ'!//

 _ರಚನೆ ಮತ್ತು ಹಾಡಿದವರು_ 

ಭಾಗ್ಯ ಮಂಜುನಾಥ್. 

ಎ.ಮಲ್ಲಾಪುರ.

ಅರಸೀಕೆರೆ.ತಾ.

 ಆಡಿಯೋ ಲಿಂಕ್

https://drive.google.com/file/d/1dIOmpptwd5qGuJMP6iWrXlkd9_jKjBmD/view?usp=drivesdk

 _ಸಂಗ್ರಹ_

ರೇಣುಕಾರಾಧ್ಯ

GLPS M KOPPALU 

ARSIKERE