ದಿನಕ್ಕೊಂದು ಲೋಗೋ 51

 🌸🌸🌸🌸🌸🌸🌸🌸

*ದಿನಕ್ಕೊಂದು ಲೋಗೋ* 

       *ದಿನ -51* 

 (ಮೂಲ : ಬೆಳ್ಳಿಮೋಡ ನಲಿಕಲಿ ಸಮಗ್ರ ಸಾಹಿತ್ಯ)

ದಿನಾಂಕ : 05.12.2020

 

 *20.ಲೋಗೋ :ತೂಕದ ಬಟ್ಟು* 🕊️

 **ಚಟುವಟಿಕೆ ಹೆಸರು :ತೂಕದ ಅಳತೆ* 

ನಲಿಕಲಿಯ ಗಣಿತದಲ್ಲಿ ಬರುವ ಒಂದು ವಿಶಿಷ್ಟ ಲೋಗೋ ಇದಾಗಿದೆ. ಇದು ಕಲಿಕಾ ಗೋಪುರದಲ್ಲಿ  *ಕಲಿಕಾಂಶ ಹಂತ* ದ ಚಟುವಟಿಕೆಗಳಲ್ಲಿ  ಬರುವ ಲೋಗೋ ಆಗಿದೆ ಮತ್ತು *ಗುಂಪು 1(ತಟ್ಟೆ-1)* ರಲ್ಲಿ ಈ ಚಟುವಟಿಕೆಯು *ಶಿಕ್ಷಕರ ಸಂಪೂರ್ಣ ಸಹಾಯ* ದಲ್ಲಿ ಈ ಚಟುವಟಿಕೆಯು ನಡೆಯುತ್ತದೆ .

1ನೇ ತರಗತಿಯಲ್ಲಿ 00 ಕಾರ್ಡುಗಳು

 2ನೇ ತರಗತಿಯಲ್ಲಿ 01 ಕಾರ್ಡುಗಳು

 3ನೇ ತರಗತಿಯಲ್ಲಿ 02 ಕಾರ್ಡುಗಳು  ಇರುತ್ತವೆ

 _ಚಟುವಟಿಕೆಯ ವಿಶ್ಲೇಷಣೆ:_ 

• ಗಣಿತದ  ಪರಿಕಲ್ಪನೆಗಳನ್ನು ಅರ್ಥಮಾಡಿಸುವುದು,

• ಮುಂದಿನ ಚಟುವಟಿಕೆಯನ್ನು ಸ್ವತಂತ್ರವಾಗಿ ನಿರ್ವಹಿಸಲು ಸಮರ್ಥರಾಗುವಂತೆ ಮಾಡುವುದು.

* ಅಮೂರ್ತ ಕಲ್ಪನೆಗಳನ್ನು ಮೂರ್ತರೂಪದ ವಸ್ತುಗಳ ಮೂಲಕ ಮನವರಿಕೆ ಮಾಡಿಕೊಡುವುದು.

 _ಚಟುವಟಿಕೆಯ ಉದ್ದೇಶಗಳು:_ 

*ಅನೌಪಚಾರಿಕವಾಗಿ ತೂಕ ಮಾಡುವ ವಿಧಾನ ಅರಿಯುವುದು.

* ತೂಕದ ಮೂಲ ಮಾನವನ್ನು ತಿಳಿಯುವುದು.

* ನಿತ್ಯಜೀವನಕ್ಕೆ ಸಂಬಂಧಿಸಿದ ತೂಕದ ಸರಳ ಸಮಸ್ಯೆಗಳನ್ನು ಬಿಡಿಸುವುದು,

 _ಚಟುವಟಿಕೆಯನ್ನು ಹೀಗೆ ಮಾಡೋಣ:_ 

• ಕಾರ್ಡಿನಲ್ಲಿ ನೀಡಿರುವ ಸೂಚನೆಗೆ ಅನುಗುಣವಾಗಿ ಹಂತ ಹಂತವಾಗಿ ಚಟುವಟಿಕೆ ಮಾಡಲು ಸಹಕರಿಸುವುದು.

• ತೂಕದ ಮೂಲಮಾನ ಗ್ರಾಂ. ಕಿ.ಗ್ರಾಂ. ಎಂಬುದನ್ನು ಮನವರಿಕೆ ಮಾಡುವುದು. 

• ನಿತ್ಯ ಜೀವನಕ್ಕೆ ಸಂಬಂಧಿಸಿದ ಸರಳ ಸಂಕಲನ ಮತ್ತು ವ್ಯವಕಲನ ತೂಕದ ಲೆಕ್ಕಗಳನ್ನು ಬಿಡಿಸಲು ಸಹಕಾರ ನೀಡುವುದು

 _ನಿರೀಕ್ಷಿತ ಕಲಿಕೆಯ ಫಲಗಳು:_ 

• ಅನೌಪಚಾರಿಕವಾಗಿ ತೂಕ ಮಾಡುವ ವಿಧಾನ ಅರಿಯುವರು.

• ತೂಕದ ಮೂಲಮಾನಗಳನ್ನು ತಿಳಿಯುವರು.

* ನಿತ್ಯ ಜೀವನಕ್ಕೆ ಸಂಬಂಧಿಸಿದ ತೂಕದ ಸರಳ ಸಮಸ್ಯೆಗಳನ್ನು ಬಿಡಿಸುವರು.

 *ನಲಿಕಲಿ ಕಲಿಕೋಪಕರಣಗಳು*

https://nalikalirenukaradhyatlm.blogspot.com/2020/12/blog-post.html

ರೇಣುಕಾರಾಧ್ಯ

ಸ.ಕಿ.ಪ್ರಾ.ಶಾಲೆ ಸಂಕ್ಲಾಪುರ

ತೀರ್ಥಹಳ್ಳಿ